Toño, el mayestru de matémátiques del institutu, siempre quería
que supieramos otros métodos pa resolver
les operaciones, asina que un vienres na cabera hora, dionos un métodu p’averanos
a la solución de la raíz cuadrada ensin usan l’algoritmu usual, sinon con un
métodu más vieyu, a traviés de l’álxebra.
Vamos cuntar que queremos atopar la raíz cuadrada de 13, un númberu
gafu. Sabemos que p’atopar la raíz cuadrada tenemos que saber que númberu al
cuadráu da esi valor, pal nueso métodu buscamos los enteros qu'al elevalos al
cuadráu tean perbaxu y perriba, o sía, nel casu de 13 son 3 (3*3=9) y 4
(4*4=16). Esto diznos que la raíz sedrá 3 y picu, polo que podemos escribilo
asina:
Espeyamos esi radical faciendo’l
cuadráu del segundu términu, aplicando’l cuadráu del binomiu (alcuérdate
que ye: cuadráu de primeru, más cuadráu del segundu, más doble del primeru pol
segundu):
13 = 9 + 6x + x2
Puesto que x2 va ser un númberu pequeñu, nun lo vamos
usar nesti primer averamientu, asina que:
13 = 9 + 6x
6x = 13-9
6x=4
X=4/6
x = 2/3 = 0,666
Ya tenemos un primer averamientu, 3,666. Anque queremos un resultáu
más averáu, asina que podemos escribir:
Col mesmo métodu:
Al resolver danos:
–2/33 = -0,0606
Asina que:
3,67 – 0,0606 = 3,609
Usando esti métodu entá podemos siguir averándonos más al valor
exautu, hasta llegar a la solución, nel casu que la tea, o amestando más y más
decimales si ye’l casu d’un irracional.
Otra vegada cuntonos otru métodu, nesti casu gráficu, pero ya te
lu cuntaré más p’alantre.
Comentarios
Publicar un comentario